पुणे : ‘महाराष्ट्र कॉस्मॉपॉलिटन एज्युकेशन सोसायटी’चे अध्यक्ष डॉ. पी. ए. इनामदार आणि सोसायटीच्या ‘पी. ए. इनामदार कॉलेज ऑफ व्हिजुअल इफेक्ट्स, डिझाइन अँड आर्ट स्कूल’ (VEDA) ला ‘एनडी वर्ल्ड’चे संस्थापक, कला दिग्दर्शक नितीन देसाई यांच्या हस्ते ‘जीवनगौरव’ पुरस्कार देण्यात आला.
कर्जत येथील ‘एनडी वर्ल्ड’ येथे झालेल्या या कार्यक्रमात एम. सी. ई.सोसायटीचे सह सचिव इरफान शेख यांनी हा सन्मान स्विकारला. या वेळी ‘वेदा’ महाविद्यालयाचे प्राचार्य ऋषी आचार्य, विभाग प्रमुख ताहीर खान आणि विद्यार्थी वर्ग उपस्थित होता. ‘वेदा कॉलेज ऑफ अॅनिमेशन’ हे आठ वर्षांपासून अॅनिमेशन, ग्राफिक्स, व्हीएफएक्स इफेक्टस् प्रशिक्षण देत आहे.